Page 19 - Vahid Rzayev

17

Budur insan, düşünəcək, axtaracaq, bilmək istəyəcək insan!

Bildikcə, bilmək istəyəcək - insan!

İlkdən, yaranışdan oldu belə, bütün Yaranmış Varlıqlar, İlkini bilmək, ilkinə
qovuşmaq istəyəcək!

18.05.2015

***

İstəklər...

Nə istəyirik bu Aləmdən?

Bu Aləmin, düşünüb, düşündürməkdən başqa nəyi var ki, nə istəyək bu Aləmdən!

Bu Aləm, düşünüb - düşündürməyi, pıçıldayır, deyir!

Bilib, bilməyi deyir!

Fərqi yoxdur, düşünsən və ya düşünməsən də, Bu Aləm düşündürəcəkdir,
dedirdəcəkdir, Qayıdılacaq O, Aləmi deyəcəkdir!

18.05.2015

***

Varidat...

Bu aləm tükənməyən bir varidatdır, hər birimizə bir payı vardır!

Müqayisələr etməyək, biri-biri ilə!

Sənə ayrılan pay, o birinə ayrılan paydan, qat-qat çoxdur!

Nə edək, ayrılan paylarımız elə, bu qədərdir!

İstəsək də, istəməsək də,

Olan paylar, elə bu qədərdir!

18.05.2015

***