Yeni iddialarla çıxış edən yazıçı-tədqiqatçı
1 oktyabr 2015-ci ildə Azərbaycan Yazıçılar Birliyinin “Natəvan” klubunda tanınmış nasir, şair, tənqidçi, elm və ictimai xadimlərinin iştirakı ilə, SOKAR-ın maliyyə dəstəyi ilə çap edilmiş ədəbiyyat üzrə Prezident təqaüdçüsü, “Qızıl qələm” mükafatı laureatı, AqRa Elmin İnkişafına Dəstək İctimai Birliyinin üzvü, yazıçı-tədqiqatçı, publisist Ramiz Dənizin 16 kitabının təqdimatı keçirilibdir.
Tədbirdə Azərbaycan Yazıçılar Birliyinin katibləri: xalq yazıçısı Çingiz Abdullayev və ədəbiyyatşünas-şair İlqar Fəhmi, AMEA-nın Coğrafiya institutunun direktoru akademik Ramiz Məmmədov, şair, publisist Əlirza bəy Xələfli, AqRa Elmin İnkişafına Dəstək İctimai Birliyinin İH-nin sədri Mirələkbər Seyidov, SOKAR-nın nümayəndəsi Vüqar Eyvazov, Heydər Əliyev adına BNEZ-dan həmkarlar ittifaqının sədri Nəbi Xudiyev və YAP-ın sədri Samir Əhmədov, “Xalq” qəzetinin müxbiri Tahir Əliyev, Ramiz Dənizin ədəbi həyatına ekskurs etmiş, onun haqqında çox maraqlı mə`lumatlar vermiş və yazılan əsərlərin Qərbi Avropa və Latın Amerikası ölkələrinin tarixindən bəhs etdiyini, onun novator janr üslubunda əsərlər yazdığını iştirakçıların diqqətinə çatdırıblar.
